الحمد لله والصلاة والسلام على رسول الله
اتكلمنا عن جوجول و توصيلها لخدمة الانترنت للمستخدمين بسرعة 1 جيجا
وكمان استغربنا من عدد خدمة Buzz وازاي حصل زيارات من عشرات الملايين من المستخدمين خلال ساعات من اطلاق الخدمه وكان السؤال : ياترى رايحين فين ؟؟
ناقشنا مقال : How To: Escape From Google’s Clutches, Once and For All والذي يتمحور حول الخروج من عباءة جوجول
لو اضفنا لما سبق ان جوجول حصلت على ترخيص ادارة الطاقه والتعامل فيها بالبيع و الشراء (ايوه الطاقه) يبقى الموضوع كده كبير قوي
لو نرجع لافلام الخيال العلمي اللي بتتكلم عن وجود منظمه تسعى للسيطره على العالم من خلال تسخير سكان الارض لها
اكيد اغلبنا شاف افلام كتير بالشكل ده , عن نفسي شفت فيلمين كرتون بيتكلموا على نفس الفكره : إذ فجأتن ( فجأه ) تستيقظ الكرة الأرضية على رساله تظهر على جميع الشاشات و الاذاعات و يتحدث رئيس المنظمه بصوت عميق ان السكان تحت السيطره وانه اصبح هو الحاكم العالمي للارض و تنتهي الرساله بضحكه شريرة (نياهاها)
وطبعا الفيلم كالعاده بينتهي النهاية العبيطه اللي عارفينها واللي بتضح فيها ان رئيس المنظمه ساقط ثانوي وعليه حكم نفقه وبيخاف من القطط , والبطل الاسطوري اللي ح ينقذ العالم ح يوصل لنقطة الضعف ويحدف عليه قطه سيامي تخربشه , فيموت الشرير من الخوف وطبعا بينهار نظام الكمبيوتر اللي كان مسيطر بيه على العالم
ده في الفيلم
طيب اسال سؤال : ليه مايكونش بطل فيلمنا جوجول ؟
نويت اكتب في الموضوع ده منذ عودة الكشكول , ولكن اللي شجعني موضوع في مدونة عالم التقنية بعنوان هل حان الخوف من سيطرة جوجول حمسني لكتابة الموضوع ده وهو بيناقش نفس الفكرة وهي واضحه من عنوانها
انصحكم بقراءة الموضع , وان شاء الله نكمل حديث في لقاء اخر ان شاء الله
Popularity: 32% [?]
[...] مابدأناه هنا و نسترجع معا السؤال المهم : ليه مايكونش جوجول او اي حد [...]