الحمد لله والصلاة والسلام على رسول الله
حكاية عزوز سبق ونشرتها في الكشكول القديم , والان كلاكيت تاني مره فقد ارسلها لي الاخ سعد هويدي في احد ايميلاته ولكن باسم فتحي بدلا من عزوز
لذا فقد رأيت أن امتعكم بها ثانية
واحد اسمة عزوز راح اشتغل صبى عند ميكانيكى
وفى يوم قال لصاحب الورشة انا اعرف رئيس الحى
صاحب الورشة ماصدقوش
لكن بعد يومين مر رئيس الحى قدام الورشة وسلم على عزوز سلام حار جدا
صاحب الورشة اعجب بعزوز وشغله اسطى فى الورشة
وبعد يومين عزوز قال لصاحب الورشة انا اعرف الوزير
قال له لا صعبة جدا
وفعلا بعد يومين مر الوزير قدام الورشة وسلم على عزوز
صاحب الورشة اتجنن وقال لعزوز
يابنى انا بزوجك بنتى
وتمسك الورشة مكانى
وبعد يومين قال عزوز لصاحب الورشة انا اعرف بوش
ولكن صاحب الورشة قال بلاش تشتغلني يابني
عزوز قاله تعال نسافر وانا اعرفك
وفعلا سافروا أمريكا ووقفوا امام البيت الابيض
عزوز قال شوف الشباك الابيض اللي هناااااااااااك ده
حاطلع بعد شوية انا وبوش ونقول لك هاى ونشاور لك كمان
طبعا صاحب الورشه ماكانش مصدقه
لكن فعلا عزوز طلع هو وبوش في الشبك وشاوروا لصاحب الورشه
بعد خمس دقائق صاحب الورشة اغمى عليه وراح المستشفى
ولما فاق سألة عزوز ليه اغمى عليك علشان شفتنى انا وبوش
صاحب الورشة قال لا
انا اغمى علي علشان انت وبوش واقفين فى الشباك
مر من قدامى اثنين بيسألونى مين اللي واقف جنب عزوز!!!!!
Popularity: 32% [?]
روى أبو داود عن أبي أمامة -رضي الله عنه- أن رسول الله -صلى الله عليه وسلم- قال .
“أنا زعيم ببيت في ربض الجنة لمن ترك المراء وإن كان محقا، وببيت في وسط الجنة لمن ترك الكذب وإن كان مازحاً، وببيت في أعلى الجنة لمن حسَّن خُلُقَه ” رواه أبو داود، في كتاب: الأدب، باب:في حسن الخلق، رقم الحديث: (4800).الحديث حسنه الالبانى فى صحيح الجامع والسلسله الصحيحة
جميلة جدا يا كبير
طيب ماتعرفش تليفون عزوز علشان عايزه يشغلني الله يكرمك
لحسن بقالي 20 يوم قاعد من الشغل لما عفّنت جنب اصحابي ع القهوة
صباحو
طاروا اثر حادث لئيم او اليم
والديره عايز ارجعها ومتردد لاني ماعتقدش ح اقدر اتابعها
السلام عليكم ورحمة الله وبركاته
في الحقيقه انا عايز اسال
عن الكشكول والديره
المنتدي اللذيذ اللي كنا بنستمتع بيه
هو فين
تقبل مروري يا استاذي الجليل